Odne nohket beatnatbeaivvit.
Borgemánu 23. beaivvi nohket beatnatbeaivvit mat álge suoidnemánu 23. beaivvi.
Dálkediiddaid mielde lea nu ahte jus dán beaivvi arvá, de arvá olles 4 vahkku.
Dán beaivvi nohká maid dat maid gohčodit mieskamánnun.
Karen Ellen Gaup čilge girjjistis «Girjjo-Gárjjo. Muitalusat, máidnasat, sátnevádjasat, árvadusat ja diiddat» (2001) ahte dološáigge ja jagis ledje golbmanuppelohkái mánu, de lei beatnatbeivviid áigodat (23.7.-23.8.) sierra mánnu, man maiddái gohčodedje mieskamánnu, dan dihte go dalle lei hui bivval ja liehmu.