-Almmuhus-
MEARKABEAIVVITMearka­beaivi: Máhte­beaivi 24.2.

Mearka­beaivi: Máhte­beaivi 24.2.

-

-

Máhtebeaivvit leat guokte. Ođđa Máhtebeaivi muitala ahte dál lea dálvi beallemuttus. 

Máhtebeaivvit leat guokte: ođđa Máhtebeaivi (24.2.) ja boares Máhtebeaivi mii lea guoktenuppelot beaivve maŋŋelut go ođđa. 

Máhtebeaivve lea dálvi beallemuttus. 

Beaivváš lea ihtán dan muddui ahte áibmu liegganišgoahtá.

Dađe mielde go buollašat nohket, borggat garrot. Máhtebeaivve borgá ge nu, ahte áideguorat aŋkke dalle skálvot jus ovdal juo eai leačča. 

Máhtebeaivve neavrresdálkkit dahket muhtumin nu garra njázu ahte dalle lea vuordimis ruovdecugŋot.

Guovža, mii lea čakčat nohkkan, jorgala siiddus Máhtebeaivve. 

Máttasámit álggahedje Máhtebeaivve njágabivddu ja dát bivdu bisttii gitta Márjjabeaivái. Rávddu juoŋasteapmi bisttii gitta dassái go jieŋat sudde jávrriin. 

Dajahussan lea ahte Máhtebeaivve álggahuvvo eahkedačča málesteapmi go guovssu ihtá, Márjjabeaivve fas ovdalaš go beaivváš jávká. 

Dološ olbmot sávve ahte boares Máhtebeaivve ovdal ii galggašii eisege bivaldit dahje njázudit, ahte ii šattašii garra giđđa.

-Almmuhus-