Juovlabasit nohket loahppašbeaivái. Eanaš riikkain, ovdal maid Suomas, loahppaččat ledje ođđajagemánu 6. beaivvi.
Juovllain loahppažiidda leat golbmanuppelot beaivvi. Dán sivas muhtun gielain dát beaivi gohččoduvvo trettondagen, golbmanuppelogát beaivin. Sámegiel sátni loahppaš almmatge boahtá suomagiel sáni «loppiainen», mii mearkkaša loahppaš, nohkat.
Min áigge kristtalaš máilbmi basuha dán basi golmma nuortaeatnan viisá muitun.
Eanaš olbmuide loahppaš mearkkaša juovllaid nohkama. Sápmelaččaide loahppaš ii leamaš nuge deaŧalaš mearkabeaivi. Oarjániidda loahppaš mearkkašii fárrema duoddariin vumiide, vuovdeeatnamiidda.
Dajahussan lea, ahte jus loahppašbeaivvi muohttá dan meare, ahte vazas dovdo rievssatlávki, dálvvis boahtá hui muohtti.