Mihcamár`dálkkit bistet gitta Jágáhii.
Jágát dálkkit fas bistet gitta Bárdebeaivái (24.8.). Jágát lea dakkár almmái guhte bálkesta galbma geađggi čáhcái. Dat mearkkaša ahte čáhci čoaskugoahtá ja geassi jorggiha dálvvi guvlui.
Sámit Deatnogáttes dadjet ahte Jágáhis lea geassi bealis, čáhci lea liekkas ja luossa lea báneheapme iige dohppe vuokka.
Daddjo maid ahte jus čuoikka goddá ovdal Jágáha, de šaddet sadjái logi čuoikka, muhto jus goddá maŋŋá, de seammás jápmet logi. Jágát maŋŋá ii šat gullo giehka guhkkamin. Daddjo ahte giehka boakčana luopmániiguin.
Sámit Anáris báhčigohte bohccuid Jágáhis, eará sámit veaháš maŋŋelat. Beaskanáhkiid háhkan maid álggii Jágáhis. Dalle lei miesi guolga čábbámus. Maiddái čuotnjágiid ja snártaliid bivdu lei Jágáhis. Beasselihtit galge ráhkaduvvot ovdal Jágáha, dannego muorra ii šat njala dan maŋŋá.
