-Almmuhus-
-Almmuhus-
-Almmuhus-
MEARKABEAIVVITMearka­beaivi: Irján 23.4

Mearka­beaivi: Irján 23.4

-

-

Irjánis álgá giđđa. Muhtin guovlluin dadje giđa álgit Válboris (1.5.) dahje easkka miessemánu gaskkamuttos.

Irjánis oidno geassenjunuš: arvvit ja njázut. Dalle lea dábálaččat sievlla; muohta ii suvdde čuoigi iige beatnaga, muhto boazu gal johtá vaikko «vuoja».

Irjánis ihtet vuosttas bievladielkkut várrevilttiide, duoddariidda ja jeakkádagaide.

Irjánbeaivve dálki bistá olles giđa. Juos Irjánbeaivve čuovganeapmái galbmá, de čoaska ijat bistet 30 beaivve, muhto juos lea bivvalis idja, de liehmus dálkkit bistet 30 beaivve. Deatnogát‘ sámit dadje Irjánbeaivve dálkkiid bistit «golm‘ ovcci» (golmma geardde ovcci) beaivve, namalassii 27 beaivve.

Dolin anáraččat suhppo Irjánis sáimma suddái ja Ohcejoga badjealbmát johttájedje mearragáddái.

-Almmuhus-