Jagi goalmmát mearkabeaivi sápmelaččain lea Ginttalbeaivi guovvamánu nuppis.
Ginttalbeaivve doddjo dálvvi čielgi. Dat mearkkaša dan, ahte dálvi lea beallemuttos ja áigi jorggiha fas geasi guvlui.
Juos ginttalbeaivve lea garra buolaš, buollašat biste guhká. Muhto jus leat liehmus dálkkit, dat dihte bivvaliid oppa giđđii.
Dološ sámit álggahedje goddebivddu dalán ginttalbeaivve maŋŋá. Maiddái sávzzain beaskiduvvui dálveullu daid sulaid.
Ginttalbeaivi lea girkolaš bassi, mii dollojuvvo Jesus máná tempelii buktima muitun. Ginttalbeaivi lea maid Maria buhtistusa muitobassi. Katolihkalaš girkuin ginttalbeaivve sivdniduvvojedje girkogintalat, mas dan basi nammage lea boahtán.
