Cuoŋománu lea geassebeaivi ja beaivái leat čadnon dálkeeinnosteamit.
Cuoŋománu 14. beaivi lea Tiburtius. Tiburtius lea deháleamos mearkabeivviin danne go dat mearkkašii geasseáiggi álgima. I han geassi gal Sámis álgge vel cuoŋománu gaskkamuttus. Dološ olbmot juhke jagi guovtti oassái; dálvái ja geasseáigái. Geasseáigi álggii Tiburtius-beaivvi ja bisttii 26 vahkku. Sullii seamma guhkki lei dálveáigi. Dálveáigi álggii golggotmánu 14. beaivvi ja nogai suvijaide. (Gáldu Heikkiarmas Lukkari, Sámi Áigi 16.4.1982)
Dálkediiddat čadnon dán beaivái:
Jus dalle suvvolastá (lea muođđa) de šaddá báhkka geassi
Dál álgá geassejahkebealli.
Jus dalle lea bivval, de šaddá bivvalis giđđa.
Nu suohkadin go muohta gahččá dán beaivvi, nu suohkadin girdá čuru ja lávžá geassebáhkaid.
Jus dán beaivvi muohttá, de lea vuordimis vel muohtti ovcci geardde.
Jus galbmá, šaddá heittot jahki juohkeláhkai.
