-Almmuhus-
MEARKABEAIVVITMearkabeaivi: Erkkebeaivi

Mearkabeaivi: Erkkebeaivi

-

-

Miessemánu 18. beaivi lea Erkkebeaivi. Dán beaivvi galgá geahččat boahtá go Erke báiddiin vai dorkkain. 

Jos Erke lea báidegerddiid, de Urbánis (25.5.) lea dorka badjelis dahje nuppebeliid, dadje Anáris. Deanuleagis Urbána sajis leat mihcamárat.

Čoaska Erkkeáddjá diehtá guhkes giđa, muhto jos dalle ii cuoŋut, de lea fargga geassi. 

Erkkebeaivve Sámi luondu fas ealáska. Dajahussan leage, ahte Erkkebeaivve giehka guhkká, čukčá gihká, miessi ruovgá,  máihli golgá soagis, sieđga njallá, soavvil gođđá ja gumpe čivgá.

Erkkebeaivvi ovdal bárbmolottiin bohte čoavžžu, guškkástat, meahkástat, rávgoš, rásttis ja giehka. Maŋŋá fas skoarra, snárttal, čiksa ja goalsi. 

Erkkebeaivvis Anár sámit johtigohte dolin guliid bivdimin logemat sáimmain suttis suddái.

-Almmuhus-