-Almmuhus-
GUOIMMUHEAPMIMearka­beaivi: Erkke­beaivi 18.5

Mearka­beaivi: Erkke­beaivi 18.5

-

-

Miessemánu 18. beaivi lea erkkebeaivi ja beaivái leat čadnon dološ vierut ja dálkediiddat. 

Jos Erke lea báidegerddiid, de Urbán (25.5.) lea dorka badjelis dahje nuppebeliid, dadje Anáris.

Deanuleagis Urbána sajis leat mihcamárat.

Čoaska Erkkeáddjá diehtá guhkes giđa, muhto jos dalle ii cuoŋut, de lea fargga geassi. 

Erkkebeaivvi Sámi luondu fas ealáska. Dajahussan leage, ahte Erkkebeaivvi giehka guhkká, čukčá gihká, miessi ruovgá,  máihli golgá soagis, sieđga njallá, soavvil gođđá ja gumpe čivgá.

Erkkebeaivvi ovdal bárbmolottiin bohte čoavžžu, guškkástat, meahkástat, rávgoš, rásttis ja giehka. Maŋŋá fas skoarra, snárttal, čiksa ja goalsi. 

Erkkebeaivvis Anára sámit johtigohte dolin guliid bivdimin logemat sáimmain suttis suddái.

Gáldu: Heikkiarmas Lukkari, Sámi Áigi 21.05.1982

-Almmuhus-