Ođđajagebeaivi álggaha ođđa kaleandarjagi. Earret, ahte dat álggahii ođđa vuođđologu, dat lei okta dehálaš mearkabeaivi sápmelaččaide.
Ođđajagebeaivi álggaha ođđa kaleandarjagi. Earret, ahte dat álggahii ođđa vuođđologu, dat lei okta dehálaš mearkabeaivi sápmelaččaide.
Dalle gehččui makkár boahttevaš geasis šattai. Jus ođđajageija ledje ollu násttit almmigomuvuođas, dalle lei vuordimis boahtte geasis buorre luomejahki.
Ollu násttit addet maiddái doaivaga šattolaš geasi juohke láhkái. Muhto jus dan ija lei obba dálki, geassi šattai čoaskkis ja šattoheapmin.
Ođđajage vuosttas idja lei maiddái máŋggalágan noidošemiid áigi. Dalle sáhtii oaidnit boahtte áigge dáhpáhusaid, ovdamearkka dihte boahttevaš beallalačča. Nu ain jo jurddašuvvui.
Heaibut elliiguin
Nuorra nieiddat ja bártnit manne ovdalaš gaskaija muhtun ráfálaš báikái, cahkkehedje gintala ja bidje speadjala iežas maŋábeallai. Speadjalis dasto sii oidne makkár boahttevaš eamit dahje isit lei.
Dološ olbmot dihte maid dan, ahte ođđajage ija sáhtii fidnet stuorra riggodagaid jus biđii buot daid elliiguin mat su ovddal bohte. Dalle galggai mannat ruossut manni luoddaerrui ja orrot das dassái go gaskaija boahtigohtet buotlágan eallit dáid luoddaráiggiid ja de heaibut daiguin. Ja go de lei buohkaid badjel vuoitán, fidnii son stálu golliid ja silbbaid.
Nuorra nieiddaid gohččo ođđajageija ovdal borrat ollu sálteguoli vai goikkahišgoahtá. Ja go nieida nohkai, bođii boahttevaš irgi ja čáskadii nieidda goikku.
Jesusa birračuohppan
Kristtalaš máilmmis ođđajagibeaivi dollo Jesus-máná birračuhppon ja nama oažžun muitobassin. Dát dáhpáhuvai Betlehemas, Árvalusaid mielde Maria ja Josefa ođđa ruovttus. Láhka oainnat mearridii, ahte gándamánná galggai birračuhppot ja sutnje addojuvvot namma.
Jesus-máná birračuhppon dáhpáhuvai gávcci beaivve maŋŋil su riegádeami ja dalle addui maid namma eŋgel almmuhusa mielde Jesus.
