Deanu gielddastivra meannuda otne ođđasit Morten Blien sierralobi ohcamuša vuodjit Deanu mielde skohteriin ja geahččalit bidjat ođđa máilmmiolahusa.
Deanu gielddastivra meannuda otne ođđasit Morten Blien sierralobi ohcamuša vuodjit Deanu mielde skohteriin ja geahččalit bidjat ođđa máilmmiolahusa.
*/
Deanu gielddastivrras lea otne liige gielddastivrračoahkkin gos áššelisttus lei gieldda rehketdoallu ja jahkemuitalus mannan jagi ovddas. Olgešbellodaga Kåre Breivik evttohii loktet Deanu mohtorsearvvi ja Morten Blien sierralobi ohcamuša ođđasit meannudeapmái, masa čuovvoledje Guovddášbellodaga Fred Johnsen ja Oktasaš listtu Hartvig Hansen.
Hansen dajai sártnestuolus ii leat nu dábálaš ahte gielddastivra nuppástuhtte vullosaš lávdegottiid mearrádusaid.
Ovttajienalaččat
Sátnejođiheaddji Frank Ingilæ deattuhii njuolggadusaid ja válddi bajás ahte okta goalmmadasoassi gielddastivra dahje sátnejođiheaddji sáhttá vuosttildit loktet ášši gielddastivrii. Son čilgii maid njuolggadusaid ja logai gieldda ovdagottis ii leat váldi mannat badjel lávdegottiid mearrádusaid, muhto gielddastivrras lea.
Nu jienastiige gielddastivra ja dohkkehedje ovttajienalaččat ođđasit meannudit Deanu mohtorsearvvi ja Morten Bliena sierralobiohcamuša.
