Meteorologalaš instituhtta váruha meahccebuollima davimus fylkkain Norggas.
Meteorologalaš instituhtta (MET) váruha meahccebuollima fiskes dásis. Váruhuvvo suoidne- ja daŋasbuollin bievlaguovlluin, dassá go boahtá mearkkašahtti arvi.
Meahccebuollinvárra guoská Helgelándii, Sáltui, Ufuhttii, Lofuhttii, Viestterállasii, Lulli-Romsii, Davvi-Romsii, riddo- ja vuotnaguovlluide Oarje-Finnmárkkus, Finnmárkkuduoddaris ja Nuorta-Finnmárkkus.
– Leage várrogas dolain ja čuovo báikkálaš eiseválddiid bagademiid, cealká MET sin neahttasiiddus.