Hålogalándda lágamánneriekti gieđahallá ášši Per Edvard Johnsen ja su bárdni Simen André Varsi, vuostá, gos leaba áššáskuhtton mohtorjohtolatlága rihkkon. Ieža čuoččuheaba árbevirolaš bargguid leamaš doaimmaheamen.
Hålogalándda lágamánneriekti gieđahallá ášši Per Edvard Johnsen ja su bárdni Simen André Varsi, vuostá, gos leaba áššáskuhtton mohtorjohtolatlága rihkkon. Ieža čuoččuheaba árbevirolaš bargguid leamaš doaimmaheamen.
Sis-Finnmárkku diggegottis áššehuvai Per Edvard Johnsen ja su bárdni Simen Andre Varsi ges oaččui 10 000 ruvdnosaš sáhku dan eavttu vuođul ahte šaddá máksit dan sáhku jus guovtti jagi sisa rihkku fas lága. Áššáskuhttineisseváldi guoddalii goappešat áššiid lágamánneriektái.
Ášši duogáš
Geassemánu 23. beaivvi 2013, go Vuolit-Molleža duottarstobu eaiggát Per Edvard Johnsen vuoddjái tráktoriin iežas báikkis Molležis ja Iešjávrái. Mihttu lei guoli bivdit.
Boazopolitiija ja Stáhta luonddubearráigeahčči guoddaleigga su go oaivvildeigga son lea lobiheamet vuodjime meahcis go ii lean vuodjinlohpi sus. Beaivvi maŋŋel, geassemánu 24. beaivvi, seaivvui su bárdni Simen Andre Varsi girdiin Iešjávrái, ja son maid guoddaluvvui Boazopolitiija ja Stáhta Luonddubearráigeahču bokte.
Goappašagat čuoččuheigga iežaska árbevirolaš bargguid doaimmaheame, go leigga vuolgán guliid bivdit dan áigodagas go jiekŋa lea Iešjávrris mannan.
Áššáskuhtton albmá guovttos eaba hálit vuos kommenteret ášši Ávvirii.
Ii doarvái čilgen
Áššáskuhttineiseválddiid bealis guoddalit ášši dan vuođul go oaivvildit Johnsen ii lean vuodjime ruoktot dahje gávpái mannamin, son lea vuodjime muhtun jávrái vai beassá guoli bivdit iežas turisttafitnodahkii. Sii oaivvildit diggi ii leat doarvái čilgen makkár mearkkašupmi bivddus lea.
Áššáskuhttineiseválddit oaivvildit ahte dát ášši ii leat das man muddui dáluolbmuin ja meahcásteddjiin leat vuoigatvuođat, muhto makkár riekti lea Johnsenis doaimmahit ealáhusa mii ii leat regulerejuvvon makkárge lágaid bokte.
Diggái leat várren guokte beaivvi.
