Eanadoallo- ja biebmoministtar Olaug Bollestad mávssestii mannan maŋŋebárgga 20 miljovnna kruvnna eaktodáhtolaš servviide.
Dearvvašvuođaeiseválddiid gáibádusat ja rávvagat Covid-19 njoammudávdda eastadeapmái leat váikkuhan hirbmat olu eaktodáhtolaš organisašuvnnaide. Eanandoallo- ja biebmoministtar Olaug Bollestad mávssestii mannan maŋŋebárgga 20 miljovnna kruvnna eaktodáhtolaš servviide maid Eanadoallo- ja biebmodepartemeanta doarju iežas bušeahtain, dieđiha ráđđehus.
– Olu plánejuvvon doaimmaid leat ferten cealkit eret dahje geahpedit. Dat dilli váikkuha olu servviide. Danin máksit mii doarjaga servviide dál miessemánus, eatge borgemánus, nu mo dábálaččat, čilge stáhtaráđđi Bollestad.
