-Almmuhus-
-Almmuhus-
OĐĐASAT Mátkoštan­rávvagat bistet beassá­žiid maŋŋelii

Mátkoštan­rávvagat bistet beassá­žiid maŋŋelii

-

-

Ávžžuhit ruoŧŧelaččaid ahte eai mátkkoš dálveluomu eai ge beassášluomu oktavuođas.

Ruoŧa olgoriikkaministtar, Ann Linde, dieđihii distaga ahte Ruoŧas bistet mátkkoštanrávvagat gitta beassážiid maŋŋelii. Ráva lea ahte olbmot eai mátkkoš olggobealde Eurohpá dálveluomu ja beassášluomu oktavuođas. 

– Mii leat árvvoštallan ahte máilmmis bistá eahpesihkarvuohta koronadávdda ektui guhká, lohká Linde.

Olgoriikaministtar muittuha maiddái ahte dávda sáhttá njoammut vaikko mátkkošta Eurohpá riikkaide. Ruoŧa eiseválddit leat dattetge árvvoštallan ahte ii leat stuora riska ahte ruoŧŧelaččat eai beasa ruoktot fas jus leat mátkkošteame riikkain mat leat Eurohpás ja Schengena guovllus. @NTB

-Almmuhus-