-Almmuhus-
OĐĐASATMátkkošteddjiin badjel golbma miljárdda ruvnno buorrin

Mátkkošteddjiin badjel golbma miljárdda ruvnno buorrin

-

-

Jus charterfitnodagat reastaluvvet ja golaheaddjit eai oaččo ruđa ruovttoluotta, de áigu ráđđehus árvvoštallat doaibmabiju.

Charterfitnodagat fertejit dáid beivviid mielde máksigoahtit ruovttoluotta kundariidda geain ii šatta mátki, ja vurdo ahte máŋga aktevrra jođánit sáhttet reastaluvvet, čállá Dagens Næringsliv. Muhto ii leat sihkar ahte Mátkedáhkádusfoanda gokčá golaheddjiid gáibádusaid jus reastaluvvá. 

Danne háliida ráđđehus árvvoštallat gokčat heaittihuvvon mátkkiid jus leat oallugat geat eai oaččo  gokčojuvvot sin gáibádusaid, muitala ealáhusministtar Iselin Nybø (Gurut) aviisii.

– Máŋga golaheaddji ožžot ruđaid ruovttoluotta eará vugiid ládje. Muhtimat eai soaitte beassat eret daidda ortnegiidda, muhto eat vuos dieđe gallis nu gevvet, dadjá Nybø.

Norgga golaheddjiin leat badjel golbma miljárdda ruvnno buorrin charterfitnodagain, lea váldoorganisašuvdna Virke rehkenastán. Dat guoská mátkkiide mat leat šluhttejuvvon áigodagas dalle go koronaheahtedilli bođii ja gitta borgemánnui.

©NTB

-Almmuhus-