Álttá girdišiljus ii leamaš ná vuollin mátkkošteddjiid lohku 2013 jagi rájes. Girdišiljus vásihedje diibmá golbma proseanta njiedjama ovddit jagi ektui.
Oktiibuot vulge ja bohte birrasii 373.000 olbmo Álttá girdišiljus jagi 2019:s. Logut čájehit dát lea golbma proseantta unnit go jagi ovdalis, čállá Altaposten.
Seammás johte diibmá 280.000 eanet olbmo Norgga girdihápmaniin, go buohtastahttá 2018 loguiguin. Dát lea 0,5 proseanta lassáneapmi.
Olgoriikii girdimis mátkkošteddjiid lohku lassánii 1,7 proseanttain 24,5 miljovdnii. Dan botta sisgirdimiid logut Norgii leat njiedjan 0,4 proseanttain, 33,4 miljovdnii. Lea vuosttaš geardde go sisgirdima lohku lea njiedjan jagi 2015 rájes. Oslo girdinhámman Gardermoen vásiha dán njiedjama 1,3 proseanttain, dan botta go olgoriikii girdinlohku lassánii masa seamma loguin.
