Guokte stuorra, internationála dutkosa čájehit ahte massit havssu lea sihkkareamos dovdomearka ahte lea njommon koronavirus.
Dutkosii leat 4500 olbmo iešguđet riikkain searvan, čállá Videnskab.dk.
– Riska ahte dus lea covid-19 jus fáhkkestaga massát havssu, lea dan mađe stuoris ahte galggašit dárkkuhit ahte dutnje lea njommon, dassá go dárkkistuvvo ahte ii leat njommon, dadjá Aarhus universitehta doavttir, Alexander Wieck Fjælstad.
Dasa lassin ahte massá havssu leat máŋga koronapasieantta maid massán máistodovdda ja eará guoskkahallandovdda njálmmis.
Dutkkus čájeha ahte bealli pasieanttain eai álgán haksit ovdal go golle 40 beaivvi maŋŋel go buhce.
(©NTB)
