Ovccis lohkásis leat seastigoahtán el-rávnnji maŋŋel go dat divrrui, čájeha Opiniona guorahallan.
– Masá olles álbmot lea seastigoahtán el-rávnnji, lohká Opiniona seniorráđđeaddi Nora Clausen.
Eatnašat oaivvildit maid ahte lea vejolaš seastit vel eanet el-rávnnji. 52 proseantta oaivvilda ahte dát lea vejolaš, 46 proseantta ii leat ovttaoaivilis.
Golmmas lohkásis muitalit ahte galbmojit dávjá danin go sestet el-rávnnji.
Norggas leat eanemus nissonolbmot geat sestet el-rávnnji.
Guovvamánus ásaha ráđđehus sierra lávdegotti mii galgá guorahallat maid stáhta sáhttá bargat vai el-rávdnjehattit njiejaše. (©NTB)