-Almmuhus-
OĐĐASATMasá 2500 biila­vuoddji sáhkohalle mátke­telefovdna­geavaheami geažil

Masá 2500 biila­vuoddji sáhkohalle mátke­telefovdna­geavaheami geažil

-

-

Vaikke unnit biilavuoddjit geavahit mátketelefovnna vuojedettiin, de ii leat Ung i Trafikk organisašuvdna duhtavaš. 

– Lea dieđusge illusáhka go eanet biilavuoddjit leat bidjan eret mátketelefovnna, muhto seammás leat ain masá 2500 biilavuoddji geat geavahit mátketelefovnna vuojedettiin. Jus vuoját biillain 80 kilomehtera diimmus, it ge čuovo mielde vihtta sekundda, de ollet vuodjit 110 mehtera nu ahte it oba geahča ge geidnui. Dat han lea seamma guhkes gaska go spábbačiekčanšillju, lohká Ung i Trafikk organisašuvnna gulahallanráđđeaddi Henrik Pettersen Sunde preassadieđáhusas. 

Dán jagi guokte álgománu sáhkohalle 2497 biilavuoddji go geavahedje mátketelefovnna vuojedettiin. Dat lea 16 proseantta unnit go diibmá seamma áiggis. 

Ávki 

2021 rájes šattai sáhkku divraset jus gávnnahallá geavaheames mátketelefovnna vuojedettiin. Dál gártá biilavuoddji máksit 5000 ruvnnu ja dasa lassin oažžu golbma čuoggá vuodjenkortii. 

– Orru leamaš ávki čavget njuolggadusaid. Dál sávvat ahte vel eambbo biilavuoddjit bidjet eret mátketelefovnna vuojedettiin, dadjá Sunde. 

Diibmá mávssii sáhkku 1700 ruvnnu jus váldui mátketelefovnna geavaheamen vuojedettiin. (©NTB)

-Almmuhus-