Márkomeannu festivála lea almmuhan olles festiválaprográmma, ja maiddái dán jagáš festiválapláhkkáha, mii gal dáidá leat dakkár mii oažžu fuomášumi.
Márkomeannu festivála lea almmuhan olles festiválaprográmma, ja maiddái dán jagáš festiválapláhkkáha, mii gal dáidá leat dakkár mii oažžu fuomášumi.
Márkomeannu almmuha prográmma mii lea dievva vilda ritmmaiguin, gelddolaš artisttaiguin ja áibbas earenoamáš govvavuosehusain.
Guokte ođđa artistta leat vel válbmasat Gállogietti lávdái; Elle Márjá ja Felgen Orkester.
Ovttas namaiguin nugo Agnete Johnsen, ÁGY, Arvvas, Amoc, Marja Mortensson, Ravggon, Nuoraid Sessions ja Troublemakers, dahket dán jagi prográmma ollisin.
– Mii bovdet du gahppat sisa máŋggalágan dáidda- ja kulturvásáhusaide dán jagi Márkomeanus, sárdnu hui áŋgiris buvttadeaddji, Susanne Amalie Langstrand-Andersen preassadieđáhusa bokte.
Eai dušše konsearttat
Lávdeprográmma lassin besset geahččit hávskkostallat govvavuosehusain, diŋgojuvvon buktagiin, klovdnakurssain mánáide, niehkodulkomiin, smávvakurssain juoigamis, vázzinmátkkiin ja vuosteceahkkeviehkamiin, sámi sálbmalávlumiin, crossdressenkurssain ja ságastallamiiguin dollagáttis.
Erenoamáš govvačájáhus
Rahpanbeaivvis presenterejuvvo vuosttaš geardde hui earenoamáš govvačájáhus Ivar Murbergain.
Murberg (1959-2002) lea márkosámi govvejeaddji geas lei nana gullevašvuohta Vuopmegeahčái Skániin, gosa áiggi mielde ássái.
Sus lei oahpu Nordens Fotoskolas Stockholmas. Čájáhus lágiduvvo ovttasbargguin Várdobáiki sámi guovddážiin.
– Márkomeanus lea guhka leamaš niehku presenteret stuorra vuosehusa Ivar Murbergain, ja dán jagi dáhpahuvvá, guovda Ivara ja min Sámis. Máŋga portreahta eai leat ovdal oba vuosehuvvon, lea duođas eahpedábálaš govvavuosehus, muitala Langstrand-Andersen.
Buohkaide
Márkomeanu 17 jagi guhkes historjjá čađa, lea festivála lápmudan máŋga festiválamanni.
Muhto festiválabuvttadeaddji ii leat duhtavaš ovdal oaidná olles guovllu olbmuid festiválas.
– Márkomeanus mis lea nana vierru fállat olbmuide kultuvrra miehta Sámis, stuorra máŋggaláganvuođain. Siđat go diehtit midjas geavvá Sámis? Dalle fertet boahtit! Dahje jus siđat oahppat eanet sámi kultuvrra birra? Na, dalle lea Márkomeannu sadji dutnje, loahpaha Susanne Amalie Langstrand-Andersen.
Márkomeannu 2016 bistá duorastagas sotnabeaivái suoidnemánu 28. – 31. beivviid.
Prográmma Márkomeannu 2016:
Musihkka
AGNETE JOHNSEN
ELLE MÁRJÁ
ARVVAS
ÁGY
AMOC
MARJA MORTENSSON
FELGEN ORKESTER
RAVGGON
NUORAID SESSIONS
TROUBLEMAKERS
BEAIVEKONSEARTA
Dáidda ja kultuvra
ČÁJÁHUS: IVAR MURBERG
DIŊGOJUVVON BUVTTA: SIEIDI
KULTURMEAHCCI
SÁGASTALLAN DOLLAGÁTTIS MARJA MORTENSSONAIN
PILSNÁR & POESIIJA
MÁRKANAT
FESTIVÁLAGIRJERÁDJU
GIRJEALMMUHEAMIT
Seminárat
SESAM-SEMINÁRA: Guhte oamasta rievtti duodjái?
VÁRDOBÁIKI-SEMINÁRA: “Maid dán ija niegadit?”
POPULEARADIEĐALAŠ LOGALDALLAN GIRJJÁLAŠVUOĐA JA LUOĐI BIRRA
HISTORJÁVÁDJOLUS – VUOJADAKVÁRRI
UFUOHTA SEASTINBÁŊKKU VÁRDOVÁZZIN
Mánáidmeannu
LOHKANBODDU MÁNÁIDE
MÁNÁIDČIEHKA
KLOAVDNAKURSA
LIHKADEAPMI JA DÁNSUN
AKROBATIHKKA JA TURNEN
Nuoraidmeannu
NOEREHLÅAVTEGE
CROSS-DRESSING SÁMIS – BARGOBÁDJI
Dieđihanáigemearri: suoidnemánu 21. b.
Heive ahkejovkui 16-30 jagi
MEDIEBÁDJI#MÁRKOMEANNU
Heive 13-20 jahkásaččaide.
Dieđihanáigemearri: suoidnemánu 21. b.
OAHPA JUOIGAT 1-2-3