-Almmuhus-
-Almmuhus-
OĐĐASAT Márkomeannu almmuha mánáidskearu

Márkomeannu almmuha mánáidskearu

-

-

Bearjadaga suoidnemánu 23. beaivvi almmuhuvvojit 10 ođđa mánáidlávlaga, golmma iešguđet sámegillii. 

Leat vihtta artistta, ÅVLA, Emma Elliane, Ronja Larsen, Saara Hermansson ja Yungmiqu geat leat ráhkadan skearru ovttas Jakop Janssønnanain.

– Go lean áiddo šaddan áhččin de lea leamaš somá ráhkadit sámi mánáidmusihka váibmogillii. Mánáidmeannu lea šaddan skearru masa mun jáhkán váhnemat olles Sámis illudit lávlut mánáideasetguin. Illudan juogadit iežamet bohtosa go skearru almmuhuvvo bearjadaga, dadjá dáiddalaš jođiheaddji Jakop Janssønn.

Prošeakta lea ruhtaduvvon Norgga UNESCO-kommišuvnnas, Kulturráđis, Sámedikkis, Nordlándda Fylkkagielddas, Sámiráđis, Tromssa ja Finnmárkku Fylkkagielddas ja Norgga Konseartalágideaddji Friddjafoanddas.

– Lea leamaš movttiidahtti bargat MÁNÁIDMEANNU-prošeavttain maŋimuš jagi. Márkomeannu ii dábálaččat almmut musihka, muhto dihten álggu rájes ahte dáid lávlagiid háliidin báddet vai mánát miehtá Sámi besset daid gullat. Dán konsertii várra illudan eanemusat dán jagáš festiválas, dadjá Márkomeannu buvttadeaddji Ane Margrethe Ugelvik

-Almmuhus-