-Almmuhus-
KULTUVRAMariMarion gierdomátki vuolgá johtui

MariMarion gierdomátki vuolgá johtui

-

-

Mari Boine ja Marion Palmer konsearta mii galggai ovdal juovllaid, johtá boahtte vahkku miehtá Finnmárkku.

Scene Finnmárku almmuha preassadieđáhusas, MariMarion-konsearta mii galggai ovdal juovllaid johtit Finnmárkkus, álgá boahtte vahkku.

Ovdal juovllaid ii šaddan konsearta, buozalmasvuođa geažil.

 

– Eksklusiiva gierdomátki

Mari Boine ja Marion Palmer johtiba boahtte vahkku Finnmárkkus iežaska konsearttain.

— Lea eksklusiiva gierdomátki, mii lea huksejuvvon Palmera čiekŋudeamis Finnmárkku ja Sámi historjjás. Veaháš oasit Palmera mánnávuođa paradiijásis. Unna dáruiduvvon, mearrasámi gilážis, gos Fálesnuorri ja Riehpovuotna deaivvadeaba, čállá Scene Finnmárku preassadieđáhusas.

 

Lohpidit liekkus konseartta

Konsearttas leat Violeta Parra lávlagat ja Carlos Jeldes musihkka.

Scene Finnmárku lohpida liekkus konseartta mii guoskkaha oallugiid, ja boktá jurdagiid.

Gaskavahkku álggahuvvo gierdomátki Leavnnjas, ja lávvordaga loahpahuvvo Čáhcesullos.

-Almmuhus-