-Almmuhus-
KULTUVRAMaria Arredondo ohcá báikkálaš lávlunguimmiid

Maria Arredondo ohcá báikkálaš lávlunguimmiid

-

-

Maria Arredondo ja Torstein Sødal vuolgiba Davvi-Norgga konseartamátkái, ja dál lea Arredondo ohcame muhtima juohke báikkis gii háliida lávlut ovttas suinna.

– Jus leat niegadan lávddis čuožžut, dahje dovddat muhtima geas leat artistaattáldagat, de háliidit mii gullat dus ságaid, muitaleaba artisttat Facebook-siiddus.

 

Illuda lávlut

Arredondo ja Sødal háliideaba gávdnat báikkálaš čehpiid geat galget Arredondoin lávlut «Kom sommarvinnj» lávlaga.

– Lea hui čáppa lávlla man mun illudan lávlut. Go beasan earáiguin juogadit vásáhusaid go mátkkoštit Hámmárfeasttas Fuskui, de lea munnje hui erenoamáš vásáhus, muitala Arredondo.

 

Sáddes lávlaga Arredondoi

Jus áiggošit lávlut ovttas Maria Arredondoin, de fertet lávlut lávlaga «Kom sommarvinnj» (áinnas videobihtáža) ja sáddet sisa dán Facebook-siiddu bokte unnimusat golbma vahkku ovdal konseartta. Fertet vel čálistit dieđu fáddán guđe báikkis don sáhtát lávlut.

-Almmuhus-