-Almmuhus-
-Almmuhus-
-Almmuhus-
KULTUVRAMari Boine Riddu Riđu headlinerin

Mari Boine Riddu Riđu headlinerin

-

-

Go dán jagáš váldoartisat East Journey/Yothu Yindi dattege eai sáhte boahtit, de Mari Boine čuojaha fas Riddu Riđus. Dan son ii leat dahkan 2010 rájes.

Dán jagá Riddu Riđu headliner galggai leat austrálialaš joavku East Journey/Yothu Yindi, muhto sii eai ožžon mátkedoarjaga juolluduvvot eai ge sáhte de boahtit Australias Gáivutnii dán jagi.

Joavku lei galgat čuojahit festivála váldolávddis lávvardat eahkeda, čállá Riddu Riđđu preassadieđáhusas.

– Mii šállošat hui sákka sihke iežamet ja East Journey/Yothu Yindi bealis, leimmet duođaid illudan dása, dadjá festiválahoavda Karoline Trollvik.

 

Geahča maid Ávvira festiválakártta dás.

 

Boine headlinerin

Ođđa headliner šaddá dál Mari Boine, guhte ii leat čuojahan Riddu Riđus 2010 rájes. Festivála lea máilmme duđavaš go Boine oanehis áiggis sáhtii lohpidit čuojahit:

– Go jo East Journey/Yothu Yindi eai sáhttán čuojahit de mis lea hui lihkku go oaččuimet Mari Boine sin sadjái. Sus leat olu fánsat Riddugehččiid gaskkas, loahpaha Trollvik.

– Lea buorre beassat doarjut Riddu Riđu, dat lea mu ruovttuguovllus, dadjá Mari Boine.

-Almmuhus-