Dáhkádusfitnodaga dieđut čájehit mátkkošteaddjit vásihit iežaset koaffarat ja gálvvut leat maŋŋonan golmma geardde dávjjit go buohtastahttá mo lei ovdal pandemiija.
Geassemánus ja suoidnemánus lea Fremtind dáhkádusfitnodat registreren badjel 3.600 ášši maŋŋonan ja láhppon koaffariid ja eará gálvvuid birra, 2.500 gálvoášši ektui 2018:s ja 2019:s.
– Lohku láhppon ja maŋŋonan koaffariin ja gálvuáššit lea lassánan issorasat, ja dat orro bistimin dál suoidnemánus. Dát áššit dagahit matkkošteddjiide šaddá vuordináigi telefovnnas minguin, dadjá Therese Hofstad-Nielsen Fremtindas.
Fremtind registrere erenoamáš olu áššiid Kroatias, Italias ja Tyrkias.
Sii ávžžuhit mátkkošteddjiid merket koaffariid ja gálvvuid bures ovdal go vulget mátkkoštit. Jos gálvu maŋŋona eambbo go njeallje diimmu, de gokčá mátkkoštandáhkádus olggosgoluid go šaddá oastit dárbbašlaš diŋggaid, nugo biktasiid ja basadandiŋggaid.
(©NTB)
