Elrávdnjehattit ledje hui badjin mánnodatiđit ja loktanit vel eanet maŋŋelgaskabeaivvi.
Buolaš dagaha ahte hirbmat alla elrávdnjehattit loktanit vel eanet mánnodaga, earenoamážit muhtin lulimus báikkiin Norggas, čállá Nettavisen.
Divru
Elrávdnjedoaimmahat Nordpool dieđiha ahte elrávnnji spothaddi lea 83,75 evrre kWh – lassin momssain – mánnodatiđit.
Maŋŋelgaskabeaivvi loktana haddi vel eanet. Gaskal diibmu 17 ja 18 lea spothaddi 86,1 evrre juohke kWh. Oktan momssain gártá 1,08 evrre juohke kWh.
Dasa lassin elrávdnjehaddái boahtá neahttaláigu, el-sertifikáhtat ja elrávdnjedivat. Dat lea birrasii 80 poseantta lassin elrávdnjehaddái.
Elrávdnjehattit sáhttet divrut hui ollu ja boares olahusat sáhttet jávkat mat ledje 2010:s.
– Dál šaddá divraseamos dálvi 2010 rájes. Jus leat buollašat, de gal šaddá ođđaolahus, dajái Norgga čázádat- ja energiijadoaimmahat seniorráđđeaddi Martin Vik mannan vahkku Nettavisenii.
Romssas ja Davvi-Norggas lea haddi 52,66 evrre juohke kWh, mii lea ollu vuollelis go lullelis Norggas.
