-Almmuhus-
OĐĐASATMánnobálká manná mátkkoštit

Mánnobálká manná mátkkoštit

Journalista

-

-

Gáŋgaviikka Guovddášbellodat oaivvilda ahte lea menddo divrras girdit boaittobeale guovlluin. Jus muhtin Donjavuona bearaš áiggošii vuolgit juovlalupmui oaivegávpogii, de máksá badjel 30.000 ruvnnu girdit. 

Jus muhtin bearaš mas leat njeallje lahttu háliidit vuolgit Osloi juovlalupmui, de gártet máksit 33.976 ruvnnu girdimátkki ovddas. 

– Jus háliida hálbbit mátki, de ádjána mátkkoštit 9 diimmu máttás ja 15 diimmu davás. Dalle mákset bileahtat 15.208 ruvnnu, čállá Gáŋgaviika Guovddášbellodaga jođiheaddji Oddbjørn Hansen preassadieđáhusas. 

 

Rievdadit 

Gáŋgaviikka Guovddášbellodat hástala iežas bellodatustibiid ovddidit ášši Stuoradikkis vai ásahuvvošii subsidierenortnet girdihattiid ektui. 

– Dáppe leat guhkes gaskkat, ii ge dáppe leat doarvái buorre kollektiivajohtolat. Divrras girdimátkkit váikkuhit boaittobeale guovlluide. Olbmot eai oza deike bargguide go gártet olles mánu bálkká geavahit jus áigot galledit bearraša ja fulkkiid máddin. Diehtit maid ahte fitnodagat mákset olu ruđaid bargiid mátkkiide ja eará fitnodagat ges eai oba arvva ge ásahit doaimmaid davás, čállá Hansen. 

-Almmuhus-