-Almmuhus-
-Almmuhus-
-Almmuhus-
OĐĐASATMannan eahket: Várá­laš láhtten­vuogit ja buollin

Mannan eahket: Várá­laš láhtten­vuogit ja buollin

-

-

Finnmárkku politiijain ja buollinčáskadeddjiin lei olu bargu bearjadat eahkeda.

Diibmu 06.32 dieđiha Finnmárkku politiijaguovlu Twitteris ahte politiijat manne priváhta čujuhussii go ledje ožžon dieđu ahte okta dievdu lea vásihan veahkaválddálašvuođa máŋggain earáin feasttas. Dievdu ii leat garrasit roasmmehuvan. Politiijat álggahit ášši.

Áronjárggas buollin

Diibmu 18.47 dieđihii 110 guovddáš Twitteris ahte buollindoaimmahat Álttás ožžo dieđu suovasteamis Áronjárggas. Politiijat ja buollinčáskadeaddjit manne guvlui. Doppe lei buollin ásodatvisttis. Buollin lei časkaduvvon sullii diibmu 20. Dan maŋŋel biggohuvvui guovlu.

Finnmárkku politiijaguovlu čállá Twitteris fas ahte buollindoaimmahat mearridii ahte njealji ásodagain ii beassan oktageidjadit mannan ija, jus datte álggii fas buollin. Politiijat álggahit dutkama áššis.

Várálaš láhttenvuohki

Finnmárkku politiijaguovlu dieđiha diibmu 22.31 ahte Girkonjárgga guovddážis leat politiijat gevren ovtta dievddu 40 jagiin várálaš láhttenvuogi dihte. Son váidojuvvo sus gean lei áitán. Dasa lassin duoguštedje politiijat smávva niibbáža mii sus lei, dasto váidojuvvo dievdu maiddái go sus lei leamaš niibi mielde almmolaš báikkis.

-Almmuhus-