-Almmuhus-
OĐĐASAT Mannan ija dáhpáhusat: Veahkaváldi, juhkanolbmot ja riedja

Mannan ija dáhpáhusat: Veahkaváldi, juhkanolbmot ja riedja

-

-

Guovdageainnus šadde politiijat gohččut  golbma dievddu  guođđit olgobáikki go ledje badjelmeare juhkan ja muoseheamit.  

Politiijat dieđihit mii mannan ija lea dáhpáhuvvan.

Guovdageaidnu:   

39-jahkásaš dievdu lea ožžon dieđu guođđit olgobáikki go lei badjemeare juhkan ja muoseheapme.

21-jahkásaš dievdu oaččui dieđu guođđit olgobáikki go lei badjemeare juhkan ja hehttii olgobáiki vávtta doaimmahit iežas barggu.

30-jahkásaš dievdu fas šattai guođđit olgobáikki go muosehuhtii eará gussii ja vávtta. Son oačču politiijain dieđu ahte ii oačču šat ruovttuluotta boahttit ovdal iđitbeallai 

Alta: 

34-jahkásaš almmái lea ožžon dieđu guođđit guovddášbáikki ii ge oačču máhccat ruovttuluotta ovdal sotnabeaivvi iđiha. Son šattai dán dillái go ii vuollánan guođđit olgobáikki gosa ii lean šat buresboahtin.

30-jahkásaš doronis almmái gárttai giddagassii mannan ija. Veahkaváldin geavai priváhta baikkis. Ii oktage roasmmehuvvan.

Politiijat dolvo 24-jahkásaš nissona gávpogis priváhta ássanbáikái. Son lei badjelmeare juhkan.

Hámmárfeasta: 

Politiijat leat váldán gitta guokte albmá diibmu njealjis mannan ija. Politiijat ožžot cavgileami báikkis lea garra feastariedja.  Politiijat duoguštedje luođaid ja vearjju váilevaš guoddinlobi dihte. Politiját leat duktan ja váidán viessoeaiggáda.

20-jahkásaš almmái šattai giddagassii go lei badjelmeare juhkan ja veahkaválddálaččat láhtten almmolaš báikkis.

23-jahkásaš almmái šattai giddagassii go juhkanvuođas doaruhii eará olbmo. Son lea váidon.

- Advertisement -
-Almmuhus-