Oarje-Finnmárkku politiijat muitalit mannan ija dáhpáhusaid birra Guovdageainnus, Álttás ja Hammerfeastas.
Mannan ija 01-áiggi šadde politiijat viežžat muhtin nissonolbmo go lei bearehaga gárihuvvon Kronstad guovllus Álttás. Politiijat dolvo nissona doaktára lusa.
Guovdageainnus šadde ges doalvut ruoktot muhtin nissonolbmo gii lea birrasiid 50 jahkásaš go ii lean šat bures boahtin muhtin olgobáikkis Guovdageainnus.
Hammerfeastas šadde bissehit muhtimiid geat ledje doarrán gávpoga guovddážis. Muhtin dievddu šadde sihtat guođđit báikki go ii lean šat bures boahtin gávpoga guovddášbáikkis maŋŋel go lei suhttadallan.
Lávvordat iđđedis lei muhtin dievdu gii lea birrasiid 20 jahkásaš, mannan nohkkat biebmovovnna sisa.
Dá lea maid Oarje-Finnmárkku politiijaguovlu čállá Twitteris.
