Dán dieđiha Finnmárkku politiijaguovlu twitteris mannan ijas:
ÁNNEJOHKA
Dii. 21:51 Guokte olbmo girddiheaba njealjejuvllagin dego jallat, muhtomin guovtti juvlla alde. Politiijain lea njealjejuvllaga šiltanummár ja čuovvolit ášši go lea dilli.
ÁLTÁ
Dii. 21:53 Vázziolmmoš gávdnan narkotihkkii gullevaš biergasiid meahcis, Badje-Álttás.
Dii. 22:00 Geaidnopolitiijat bissehan vuoddji gii lei vuodjimen gárrenoaivvis (narkotihkka). Čuovvolit ášši.
Dii. 00:41 Lihkohisvuohta njealjejuvllagin. Gopmánii vuojidettiin Joganjálmmis, 17 jahkásaš bárdni roasmmehuvvan. Ambulánsa ja politiijat báikkis.
Dii. 00:48 40-jahkásaš dievdu gohččon guođđit Álttá gávpotguovddáža nuppi beaivái, dassái čielga.
HESSENG
Dii. 21:55 Duoguštan vuodjinkoarta go leahttu galgá mihtiduvvon 120 km/dii báikkis gos rádji lea 80 km/dii.
HÁMMÁRFEASTA
Dii. 21:58 Vázziolmmoš gávdnan narkotihkkii gullevaš biergasiid, earret eará dálkkasnáluid.
Dii. 02:03 17 jahkásaš bárdni váidon oaivvehisvuodjima geažil.
GIRKONJÁRGA
Dii. 22:06 Riedja ja gárrenolbmot muhtin ássanvovnna luhtte mearragáttis.
ČÁHCESUOLU
Dii. 00:45 17 jahkásaš galgá vuodjan guovtti juvlla alde njealjejuvllagin, mii ii leat dohkálaš vuodjinláhttenvuohki johtolagas, ja danne adde politiijat sutnje njálmmálaš gohččuma heaitit dainna.
DONJEVUOTNA
Dii. 01:10 30-jahkásaš olgoriikadievdu bissehuvvon ja áššáiduhtton promillavuodjima geažil dasa lassin go ledje čieža olbmo gálvobiilla maŋábealde, oktiibuot ovccis biillas mii lea registrerejuvvon golmma olbmui. Guovttis ovddabeale ja čiežas maŋábealde.
Vuodjinkoarta duoguštuvvon.
GUOVDAGEAIDNU
Dii. 09:30 50-jahkásaš dievdu bissehuvvon Kivilompolo duollus, várohit promillavuodjima.
