Guovdageainnus buollái ovtta viesus gievkan.
Guovdageainnus buollái ovtta viesus gievkan.
Odne diibmu 11.54 ožžo Davvi-Norgga heahteguovddáš dieđu ahte lei buollin muhtun gievkanis Guovdageainnus. Buot heahteetáhtat sáddejuvvojedje buollinbáikái.
Buollin galgá leat dáhpáhuvvan olggobealde Guovdageainnu guovddáža.
Čuggon ommána
Finnmárkku politiijáguovllu operašuvdnajođiheaddji, Geir Roar Nesbø, muitala ahte galgá leat mánná čuggon boaluid ommanis, mas lei juoga alde mii dagahii ahte álggii suovastit ja buollái.
– Min dieđuid mielde galgá leat mánná čuggon ommana mas lei juoga alde, mii dagahii ahte álggii suovastit ja buollái, muitala Nesbø Ávvirii.
Buollinčáskadeaddjit ožžo dieđu, ja jáddadeje maid dola jođánit.
Vihtta olbmo visus
Nesbø muitala viesus ledje guokte rávisolbmo ja golbma máná, geaid ambulánsa jođánit dolvo Guovdageainnu dearvvašvuođaguovddážii iskamii.
– Buohkat ledje vuoigŋan suova, muhto min dieđuid mielde ii galgga guhtege sis bahuid roammuhuvvon dán geažil, muitala Operašuvdnajođiheaddji vel loahpas.
