Masá ovccis logi bargis ja pensionisttat leat dál ožžon vearrorehketdoalu. Sáhttet leat iešguđetge sivat manin it leat ožžon iežat rehketdoalu.
Masá 4,4 miljovnna bargi ja pensionistta leat ožžon vearrorehketdoalu. Oktiibuot lea mákson sullii 30 miljárdda ruvnnu vearus mii lea mákson badjelmeare.
– Mii áigut geargat vearrorehketdoaluin, muhto nu go álo, de joatká bargu čavčča mielde, ja leat muhtumat geat fertejit vuordit guhkit go earát, dadjá Marta Johanne Gjengedal, Vearroehtáta divišuvdnadirektevra.
Jos leat sin gaskkas geat eai leat vel ožžon vearrorehketdoalu, de it oaččo ovdal go áramusat borgemánu 17. beaivvi. Dan dáhtona maŋŋel sáddejuvvojit vearrorehketdoalut dađistaga go gárvánit, skábmamánu loahpa rádjái.
– Dábáleamos sivat manin it leat ožžon vearrorehketdoalu leat go leat dárkkisstuvvon sahtedohko, dus lea moalkái vearrodiehtu dahje leat náitalan olbmuin gii lea ealáhusdoalli, čilge Gjengedal.
