Sámedikki kultur- ja ealáhuskomitea lea dán vahkus meannudan ovttastahttinášši gaskal Sámedikki ja Sámediggeáirasiid FeFo-stivrras. Ášši maŋiduvvo boahtte dievasčoahkkimii, mii lea čakčamánus.
Sámedikki kultur- ja ealáhuskomitea lea dán vahkus meannudan ovttastahttinášši gaskal Sámedikki ja Sámediggeáirasiid FeFo-stivrras. Ášši maŋiduvvo boahtte dievasčoahkkimii, mii lea čakčamánus.
Sámediggeráđđi lea ovddidan rámmavuogádaga mo Sámedikki válljejuvvon FeFo-stivrramiellahttut galget beallalága stivret FeFo stivrras, gos leat maid sihke FeFo ja fylkkagielda.
Kultur-ja ealáhuskomitea lea bargan dáinna áššiin Sámedikkis, sii ávžžuhit eanet dieđuid háhkat dán áššis, ja rámmavuogádaga mearrádus ášši maŋiduvvo boahtte dievasčoahkkimii čakčamánu 24.-28. beivviide.
– Finnmárkkuopmodat lea máilmmi dehálaš ásahus sihkkarastit luondduriggodagaid, ja sámi kultuvrra, ealáhusa- ja servodateallima, muhto daid maŋimuš áiggiid leat mii oaidnán máŋgga áššis lea dárbu buoridit gulahallama ja mo Sámedikki stivrraáirasat galget beallalága stivret FeFo. Danne lea NSR ja Sámediggeráđđi ovddidan rámmavuogádaga Sámedikki dievasčoahkkimii, dadjá NSR Sámediggeáirras ja Kultur- ja ealáhuskomitea miellahttu Jovnna Vars Smuk preassadieđáhusas.
Sávvat ovttajienalaš mearrádusa
Doaibmabijut mat evttohuvvojit lea gulahallan ja ahte dollojit gulahallančoahkkimat Sámedikkedievasčoahkkimiin ja -ráđiin ja FeFo-stivraáirasiiguin, ja ráhkadit njuolggadusaid mo válljet Sámedikki jođihanevttohasa FeFo-stivrii.
– Dát lea stuorra ášši, ja dás evttohuvvo váldit dan albma duođas go válljejit stivrraáirrasiid ja gulahallama singuin, ja mis lea áddejupmi ahte muhtimin lea sávaldat háhkat eanet dieđuid ovdal sii dahket mearrádusa. Mii sávvat ovttajienalaš mearrádusa, ja jus eanet dieđut sáhttet váikkuhit nannet mearrádusa, de lea dat buorre, loahpaha Smuk preassadieđáhusas.