-Almmuhus-
OĐĐASATMáŋga lihkohis­vuođa Girona­duoddaris 

Máŋga lihkohis­vuođa Girona­duoddaris 

-

-

Norrbottena politiijat dieđihit máŋga lihkohisvuođa Gironaduoddaris mihcamáráigge.

Norrbottena politiijat dieđihit ahte nissonolmmoš lea roasmmehuvvan skuterlihkohisvuođas Gironaduoddaris sotnabeaivvi. 

Son lea ožžon skutera iežas nala vuojidettiin. Gádjunveahka sáddejuvvon lihkohisvuođabáikái. Politiijahelikopter ja duottargádjunveahka veahkehedje nissona go ii Ruoŧas leat ambulánsahelikopter. 

Nissonolmmoš dulvojuvvui Norgii helikopteriin dikšui. Ii leat diehtu man bahuid son lea roassehuvvan. 

Vujii bávttis vulos

Maiddái Riksgrensenis geavai skuterlihkohisvuohta bearjadateahkeda. Poliitijat navdet ahte skutervuoddji lea vuodján bávttis vulos duoddaris miila eret Riksgrensenis.

– Mii jáhkkit ahte son lea vuodján bávttis vulos, dadjá Norrbottena politiija Fredrik Nilsson.

Gádjunveahka sáddejuvvui lihkohisvuođabáikái, duottargádjunveahka, ambulánsahelikopter ja politiijat. Regiovdna Norrbotten ii leat dieđihan man báuáid dievdoolmmoš lea roasmmehuvvan.  

Čierastii

Maiddái okta snowboard čierastálli lea roasmmehuvvan Riksgrensenis. Son galgá čierastan bávttis vulos mii lei njeallje meatara allat. Son dolvojuvvui maid buohccevissui dikšui, dieđihit Norrbottena politiijat. 

-Almmuhus-