Badjel 6.200 studeantta leat ain, guokte vahkku ovdal go oahppojahkiálgá, vuordime oažžut studeantaásodaga Bergenis ja Oslos. Eará sajiin riikkas lea seamma dilli.
Diimmá ektui leat dán jagi eambbosat geat dárbbašit ásodaga, dan sivas go dán jagi leat eanet internationála ohccit. Davvi-Norggas leat 1.566 olbmo vuordinlisttus.
– Mii ávžžuhat studeanttaid geat leat ožžon oahpposaji, muhto ii leat orrunsadji, boahtit gávpogii liikká. Oažžu olu álkit ásodaga jos lea fysalaččat dáppe, sáhttá mannat čájáhusaide ja hállat láigoheaddjiin, dadjá gulahallanhoavda Sarah Yttermo Reibo Norgga árktalaš studeantasamskipnadas.
(©NTB)
