Gearggus čájehit ahte son lea doarvai buori vuoimmis OG-gilvvuide.
Mánnodaga almmuhii Norgga čuoiganlihttu makkár čuigiid sáddejit máilmmicupčuoigamiidda Seefeldii boahtte vahkkoloahpa.
Geahččalan-MM
– Vahkkoloahpa čuoigan šaddá «geahččalan-MM». Boahtte jagi lágiduvvo MM čuoigamat Seefeldas, ja vahkkoloahpa máilmmicup šaddá dehálaš geahččaleapmi lágideddjiide Nuortariikkas. Riikkajoavkkuhoavda Vidar Løfshus vuoruha OG-čuigiid dál, geat besset gilvvohallat máilmmielihtain maŋemus máilmmicupčuoigamis ovdal OG-gilvvuid, dieđiha lihttu preassadieđáhusas.
Fállejohkalaš Finn Hågen Krogh lea okta sis, ja lea gearggus vuolgit Seefeldii.
Sutnje lea dehálaš vahkkoloahppa, go ferte dál čájehit hoavddaide ahte son lea doarvái buori vuoimmis OG gilvvuide.
