– Maŋemus gažaldat lei váttis!

1. Mii lea Norgga stuorámus suolu?

– Hm … Mii dat lei ge? Lei go son Iinnasuolu? Riekta!

2. Gos lea giehka dálvet?

– Ii go dat leat Sámis? Vuorddes, a-a. Boahtá giđđat. Has dat lea Afrihkás! Riekta!

3. Guđe riikkas lea Roma oaivegávpot?

– Itália! Riekta!

Risten Inga Eira máhtii buot golbma gažaldaga vástidit riekta. De oažžu son liigegažaldaga. 

1. liigegažaldat: Gos lea musihkkajoavku Jiella eret?

– Anáris. Boastut!

Rievttes vástádus: Ohcejogas

Eira máhtii visot golbma álgogažaldaga, muhto ii liigegažaldaga. Son beassá liikká válljet árvalusaid maiguin sáhttá fasket 5,10, dahje 15 čuoggá. Dat lea dan duohken makkár ivnni vállje. Jus vástida riekta de oažžu: Rukses árvalus lea váddáseamos ja das oažžu 15 čuoggá, alit árvalusas 10 čuoggá, ja ruonás fas 5 čuoggá.

Eira lohká son gal juo váldá dan mas eanemus čuoggáid lea vejolaš oažžut. 

Áhčči lea bealledagus. Bárdni juo viegada vuovddis, mii lea dat? 

– Hm … In mun gal dán dieđe. Mii son dat sáhttá leat? In dieđe dien gal. ? Boastut!

Rievttes vástádus: Bárdni lea suovva.

Galle čuoggá: 3 čuoggá

Juohke gilvaleaddji beassá hástalit ođđa gilvaleaddji Ávvira geassegilvui. Risten Inga háliida hástalit Biera Ánte Siri searvat Ávvira geassegilvui.

– Mun hástalan iežan vilbeali Bier` Ánte Siri. Sávan suinna manná buorebut dán gilvvus!

Njunnošis: Isabel Kemi, 19 jagi, 11 čuoggá