Maŋemus cupčuoigan ja vuosttaš oassi klubbameašttirgilvvuin lágiduvvojit odne ja ihttin Guovdageainnus.
Olles dálvvi leat cupčuoigamat ja eará čuoigamat lágiduvvon mánáide ja nuoraide Guovdageainnus.
Guovdageainnu čuoiganjoavku lágida ge odne dán dálvvi maŋemus cupčuoigama, ja vuosttaš oasi klubbameašttirgilvvuin.
Árbevirolaš čuoiganmálle
Otná čuoigamis galget buohkat čuoigat árbevirolaš čuoiganmálle.
Ihttin, go lea nubbi oassi klubbameašttirgilvvuin, de besset luistet.
Čuoigamat leat Guovdageainnu čuovgaláhtus goappašat beivviid.
