Gáisi válgabiire oažžu ovtta ođđa mándahta, ja Ávjovári válgabiire ges massá ovtta mándahta.
Dat lea boađus go Sámediggi lea juohkán mándahtaid daid vuođul mat ledje čálihuvvon válgajienastuslohkui 30.06.19 rádjai.
– Mu mielas lea illudahtti go eanet ja eanet olbmot čálihuvvojit Sámedikki válgajienastuslohkui. Mun sávan maid lihkku Gáisi válgabiirii iežaset ođđa mándahtain, dadjá Sámedikki dievasčoahkkima jođiheaddji Tom Sottinen
Lassáneapmi gávpogiin
2019 lea gaskkajahki gos dat olbmot, geat ledje čálihuvvon válgajienastuslohkui 30.06.19 rádjai, mearridit mo mándahtajuohku šaddá 2021 sámediggeválggain. Geassemánu 30. beaivvi 2019 ledje oktiibuot 18.103 olbmo čálihuvvon Sámedikki válgajienastuslohkui.
– Dal leat 1145 eambbo olbmot čálihuvvon jienastuslohkui 2017 válggaid rájes. Lea čielggas ahte stuora gávpogiin lassánit čáliheamit, dadjá Sottinen.
Válgabiiriid mielde lea juohku ná:
Válgabiire |
Čáliheamit jienastuslohkui |
Mándahtat |
Rievdadeamit |
Nuorta |
2366 |
5 |
Eai |
Ávjovárri |
3642 |
7 |
– 1 |
Davvi |
2731 |
6 |
Eai |
Gáisi |
2745 |
6 |
+ 1 |
Viesttarmearra |
1923 |
5 |
Eai |
Lulli-Sápmi |
1299 |
4 |
Eai |
Lulli-Norga |
3397 |
6 |
Eai |