Lávvordaga maŋŋelgaskabeaivvi ožžo politiijat dieđu ahte golbma vuolleahkásačča ledje joavdelasat vuojašeame Guovdageainnus.
Lávvordaga maŋŋelgaskabeaivvi ožžo politiijat dieđu ahte golbma vuolleahkásačča ledje joavdelasat vuojašeame Guovdageainnus.
Dat sáhttá šaddat várálaš dillin ja nuorat vurje eará johtolaga ja olbmuid. Politiijat válde vuhtii cavgileami, ja vulge iskat vuojašeami. Ovtta bissehedje, ja guovttis bijaiga báhtui. Politiijat geahččaledje čuovvut sudno, muhto fertejedje heaitit vai ii šatta várálaš váikkuhus johtolahkii.
Várálažžan johtolahkii
– Ii ovttasge dain nuorra skutervuddjiin leat skuterkoarta, ja vuodjin lei muhtumin várálaš johtolahkii. Mii ávžžuhit váhnemiid váruhit ahte mánát eai beasa vuodjit vuojániiguin maiguin sis ii leat lohpi vuodjit. Mii leat eará áššiin oaidnán ahte váhnemat suvvet mánáid vuodjit skuteriin, vaikko sis ii leat skuterkoarta. Dat lea hui duođalaš ášši. Váikkuhus lea ahte nuorat sáhttet šaddat vuordit váldimis skuterkoartta. Dasa lassin sáhttet váhnemat sáhkkohallat go luiket vuojániid sidjiide geain ii leat vuodjinlohpi, muitala Boazopolitiija politiijabálvá Inger Anita Øvregård preassadieđáhusas.
Politiijat ceggejit ášši go leat rihkkon johtolatlága. Politiijat dieđihit maid ahte sii vuoruhit lobihis skutervuodjimiid dás maŋos.
