Masá njealjis logi 13- ja 14-jahkásaččain ožžot pornorekláma neahtas, čájeha Mediabearráigeahču iskkadeapmi «Barn og medier 2022».
Lea dábáleamos oažžut pornorekláma lobihis neahttasiidduin gos sáhttá viežžat dahje rávdnjet filmmaid, musihka ja dihtorspealuid.
Iskkadeapmi čájeha ahte olusat ožžot pornorekláma Google ja TikTok bokte maiddái. Golmmas lohkásis leat ožžon rekláma Google bokte, ja guovttis lohkásis TikTok bokte.
– Mánát ja nuorat eai galggaše oažžut pornorekláma, mii eanaš dáhpáhusain maid lea lobiheapme márkanfievrridanlága vuođul. Mii oaivvildat ahte dakkár márkanfievrrideapmi lea heivemeahttun, go sáhttá dagahit ahte olusat ožžot vuosttaš deaivvadeami seksualitehtain porno bokte. Mii vuordit ahte globála vuogádagat bidjet johtui doaibmabijuid suddjet nuoramusaid dakkár rekláma vuostá, dadjá Mediabearráigeahču direktevra Mari Velsand.
