Dál addo unnit antibiotika mánáide Norggas. Folkehelsa oaivvilda dat lea buorre ođas mánáide.
Dál addo unnit antibiotika mánáide Norggas. Folkehelsa oaivvilda dat lea buorre ođas mánáide.
Njealji jagis unnui antibiotika addin 24 proseanttain, 2012 rájes 2016 rádjái.
Dan čájeha dutkan man Álbmotdearvvašvuođainstituhtta lea almmuhan Norgga doavttersearvvi áigečállosis.
Mihttu olámuttus
Dutkan čájeha ahte lea buorre mánáide go eai oaččo liikká olu antibiotika. Čoliin lea mikroflora mii šaddá dan vuosttaš golmma jagis olbmo eallimis.
Jus mánnán oažžu antibiotika, de sáhttá maid álkibut oažžut ástmá ja cøliaki.
– Našunála mihttu lea unnidit antibiotikageavaheami 30 proseanttain ovdal 2020. Dat lea olámuttus dán ahkejoavkkus, lohká Ketil Slørdal. Son lea Álbmotdearvvašvuođainstituhta mánáiddávddaid spesialista ja seniordutki.
Finnmárkkus ja Romssas unnimus antibiotika
Ođđa njuolggadusat sáhttet čilget manne antibiotikageavaheapmi lea njiedjan. Ii leat seamma álki addit antibiotika jus leat vuoiŋŋahatinfekšuvnnat dahje bealjenávhllahat.
Rievddada maid fylkkas fylkii olu antibiotikageavaheapmi lea. Oslos ožžot buot eanemus mánát antibiotika, juohke 1000 mánnái. Romssas ja Finnmárkkus fas unnimus. Sogn ja Fjordanes, ja Nordlánddas njiedjá geavaheapmi eanemus.
1974 rájes lea antibiotika geavaheapmi lassánan sullii 50 proseanttain, juohke olbmo nammii. Go lassána geavaheapmi, de lassánit maid mikrobat maidda ii bastte antibiotika.
(©NTB)
