-Almmuhus-
OĐĐASATMánát besse dearvan uđđasis

Mánát besse dearvan uđđasis

-

-

Ikte luovvanii muohtauđas duogábealde Bybo Hámmárfeasttas, ja golbma bárehuočča sádde uđđasa vuollái.

Ikte luovvanii muohtauđas duogábealde Bybo Hámmárfeasttas, ja golbma bárehuočča sádde uđđasa vuollái. Mánát leat čieža-, loge- ja 13-jahkásaččat, ja buohkat dolvojuvvojedje Hámmárfeastta buohccivissui. Sii ledje geahppasit roasmmehuvvan.

 

Politiijat dáhttot olbmuid doalahit iežaset eret guovllus, go sáhttet eanet uđđasat luovvanit. Norgga čázádat-ja energiijadirektoráhtta dieđihuvvui ja odne leat uđasekspearttat báikkis árvvoštallame guovllu.

Mánáid oapmahaččat dieđihuvvojedje ja báikkis lea maid leamaš ohcanveahka.

– Mánáin lea leamašan lihkku, dieđiha Oarje-Finnmárkku politiijaguovlu.

 

Finnmárkku buohcciviessu dieđiha ahte buot golbma máná uđaslihkuhisvuođas vurdojuvvojit čálihuvvot olggos buohcciviesus odne.

 

 

 

-Almmuhus-