Ráđđehus ja SG leat ovttaoaivilis ahte suohkanat eai oaččo šat unnidit sosiáladoarjaga mánáidoaju geažil.
Preassadieđáhusas ávvuda Redd Barna -searvi go mánáidoadju ii galgga šat rehkenastojuvvot go ohcet sosiáladoarjaga.
– Dál sáhttet maiddái mánát dain bearrašiin geain heajus ráđđi doalahit mánáidoaju. Dat addá bearrašiidda buoret ekonomalaš dili, ja sihkkarastá ahte buot mánát buot Norgga suohkaniin bisuhit mánádoaju beroškeahttá das man ollu váhnemat dinejit, dadjá Redd Barna generálačálli Birgitte Lange.
Guokte suohkana golmma suohkanis leat dán rádjái dahkan nu. Ráđđehus ja SG bivdá dál Stuoradikki buktit evttohusa sosiálabálvaluslága rievdadusaide ahte doalahit 2022 čavčča rájes mánáidoaju olggobealde meroštusa go lea sáhka sosiáladoarjagis.
