Lovisa Mienna Sjögren álggaha mánáidkoara Guovdageainnu searvegotti ovddas.
Lovisa Mienna Sjöberg muitala Guovdageainnu Lagasradioi duorastaga ahte Guovdageainnu searvegoddi álggaha fas mánáidkoara. Guovdageainnus lea ovdal leamaš mánáidkoarra, muhto Sjögren lohká leamaš váttisin gávdnat olbmuid geat sáhttet doaimmahit koara searvegotti ovddas.
Mienna Sjögren lea bargan Guovdageainnu Sotnabeaiskuvllain ja áigu dál maiddái doaimmahit mánáidkoara searvegotti ovddas. Mánáidkoarra galgá lávlut vuoiŋŋalaš lávlagiid ja lea jurddašuvvon mánáide vuosttaš klássa rájes.
– Jurdda lea ahte mánát galget beassat lávlut ja ahte girkus lea fálaldat mánáide, dadjá Lovisa Mienna Sjöberg.
