Mánáidgárdedivvagat hálbo miessemánu 1. beaivvi rájes, dan oktavuođas lea ráđđehus árvalan lasihit gielddaide 41,7 miljovnna ruvnnu dán jagi.
Mánáidgárdedivvagat hálbo miessemánu 1. beaivvi rájes, dan oktavuođas lea ráđđehus árvalan lasihit gielddaide 41,7 miljovnna ruvnnu dán jagi.
Miessemánu 1. beaivvi rájes hálbo mánáidgárdedivvagat bearrašiidda main lea unnán sisaboahtu. Ođđa ortnega mielde mákset váhnema eanemustá 6 proseantta bearraša obbalaš sisaboađus vuosttaš máná mánáidgárdesaji ovddas.
Buot bearrašiin mat dinehjit unnit go 473 duhát, lea de riekti oažžut hálbbit mánáidgárdesajit.
Dán ortnega ásaheami oktavuođas evttoha ráđđehus sierrajuolludeami gielddaide, 41.7 miljovnna ruvnnu.
– Ortnet addá maiddái sidjiide geat unnán dinejit, vejolašvuođa bidjat mánáideaset mánáidgárddiide ja ortnet doaibmá miehtá riikka. Danin go ođđa vuogádat ásahuvvo gaskan mánáidgárdejagi, de evttohat lasihit juolludemiid gielddaide dán háve, vai álkit besset álggahit ortnega, dadjá máhttoministtar Torbjørn Røe Isaksen preassadieđáhusas.
