Sihke Guovdageainnus ja Kárášjogas lea ohcanáigemearri cuoŋománu 1. beaivvi jus háliida mánáidgárdesaji čakčii.
Guovdageainnu ja Kárášjoga suohkaniin lea oktasaš sisaváldin, mii mearkkaša ahte sihke priváhta ja suohkana mánáidgárddiid ohcamat galget sáddejuvvot suohkaniidda.
Suohkaniid ruovttusiidduin gávdná sihke eambbo dieđuid ja ohcanskovi.
Kárášjoga gielda dieđiha ahte jus ii oza ovdal áigemeari, de báhcá vuordinlistui, ii ge sáhte vuordit oažžut mánáidgárdesaji ovdal go rahpasa sadji mánáidgárddis.
