-Almmuhus-
SMÁVVAOĐĐASATMánáidgárde­mánát galget oahppat vuodjat 

Mánáidgárde­mánát galget oahppat vuodjat 

-

-

Gielddat, eaktodáhtolaš searvvit ja mánáidgárddit geat háliidit oahpahit mánáidgárdemánáid vuodjat, sáhttet dál 2022:s ohcat Stáhtahálddašeaddjis doarjaga. Juohke mánnái juolluduvvo 1.950,- kruvnna ja oasi das sáhttá geavahit sáhttui.  

Dán jagi ožžot 1.402 mánáidgárdemáná vejolašvuođa Tromssas ja Finnmárkkus vuodjan oahpahusa. Tromssa ja Finnmárkku stáhtahálddašeaddji juohká juohke máná nammii 1.950,- kruvnna.  Ulbmil vuodjanoahpahussan lea ahte mánáidgárdemánát galget oahppat dan mađe vuodjat vai šaddet oadjebasa čázis. 

Sii geat ožžot doarjaga, válljejit ieža mo oahpahus galgá čađahuvvot jagi 2022:s. Oahpahus galgá dahkkot go mánáidgárdi lea rabas ja oahpahus galgá leat vuojadanáldásis. Gánddat ja nieiddat galget oažžut seamma árvosaš fálaldaga. Olles doarjaga ferte geavahit doaimmaide mat gullet mánáid vuodjanoahpahussii. Oasi doarjagis sáhttá geavahit sáhttui vuojadanáldasii.

Gielda, mánáidgárdi dahje eaktodáhtolaš searvvit fertejit ieža máksit eará goluid. Juohke gielda ferte ohcat doarjaga iežas mánáidgárddiide, mii mearkkaša ahte stáhtahálddašeaddji dušše meannuda ovtta ohcama juohke gielddas. 

-Almmuhus-